(Un poema é o negativo do silencio...) Yannis Ritsos

Crarean as mans pola resequedade
están brancas de alerxias
están abafadas de células nai
mais muda a pel
como muda o pelo nos gatos de maio
cada intre que pasa son menos eu
e no espello só miro para ollo de sangue
infraestruturas quebradas
caen como os berros dos nenos e nenas
ao saíren das aulas
botan adrenalina pola boca
mentras eu trágoa rebozada de fume
soa a soedade nas campás da catedral
mentras pasa un carro hipotecado pola rúa mollada
hai centos de maneiras de comunicarse
eu escollín a dos indios
sendo fillo de vaqueiros
cunha sensibilidade especial polos sorrisos
que non gasto
que non vés polo meu egoísmo
fundado por unha ética arcaica
pisoteada...en perigo de extinción.

ALFONSO RODRÍGUEZ

Poemas do mundo e meio

                     I

Costuramos histórias com o barro

nas jornadas de lua,

lume em dor.

Prendida está a tardinha por sonhar

quando tendem as irmãs carícias

sobre a areia do mundo,

este chão de dança e solidão,

esperança telúrica dos ventos

que não sabem calar,

que não querem calar,

nós...

Iolanda Aldrei

Poema do libro "MULHERES entre poesia e luita". Unha colleita de versos de 22 voces femininas que cantan ao unísono na busca da xustiza e a igualdade; Andrea Nunes Brions, Belém de Andrade,Belém Grandal, Concha Rousia, Cruz Martínez, Dores Tembrás, Elvira Ribeiro Tobío, Eva Veiga, Fátima, Irene Veiga, Lucía Novas Garrido, María Nieves Soutelo, Margarita Ledo, María Reimondez, Marisa, Montse Varela, Rosa Enríquez, rosanegra, Susana Sánchez,Valentina Carro, Yolanda Castaño.

Vídeo do último Círculo do ano...

O último Círculo Poético Aberto do ano, ata xaneiro!

Jaime Moreda, rosanegra, Camila Vardarac, Servando Barreiro, Henrique Doria, Cruz Martínez, Virgílio Liquito, Fernando Rodríguez, Iria Bragado...  Foto de grupo tirada por Paola.

Público e amigos compartillaron momentos de poesía e música.

Disociais. Format réduit ( Daniel Landesa  e Isaac Mariño) 

Manolo Pipas

Dende as Açores Fernando Martinho Guimarães.

Ledicia  Costas

De São Paulo Nadia Afonso Stabile.

Penúltimo Acto (Cruz Martínez e rosanegra) quere agradecer a todos os participantes, amig@s, público que se achegaron ao último Círculo do ano. Mais lembrade, non é o derradeiro. En xaneiro estaremos de volta!. E agardamos poder contar coa vosa colaboración.

Grazas e saúde!!!

Únete ao Movemento Circular!!!

Outro mes máis... Seguimos circulando acto tras acto.

Este Círculo Poético Aberto é o último do ano, pero non o derradeiro.

 Achégate e comparte connosco a túa creatividade!

Teremos a Disociais. Format réduit (Daniel Landesa e Isaac Mariño), Fernando Martinho Guimarães (Açores), Nadia Afonso Stabile (São Paulo), Cristina, Alexandre Insua, Fernando Rodríguez, Iria Bragado, Virgílio Liquito... E porque non, agardamos por ti, anímate!.

O Círculo é un espazo en galego e aberto á música,  poesía, performance, audiovisual, etc. Non hai límite! é un laboratorio poético e artístico creado para tod@s.

Que a arte vos acompañe!

http://www.vigocio.es/

http://www.fervenzasliterarias.com/AXENDA/Axenda.htm

http://www.redelibros.es/social/event/304

http://www.galiciaconfidencial.com/nova/8882.html

http://www.poesiagalega.org/novidades/axenda/evento/f/1384/

http://axendaaelg.blogaliza.org/2011/11/11/vigo-nova-edicion-do-circulo-poetico-aberto-7/

Detrás da palavra

Porque vivo depois da morte

nos universos do trouso

à intempérie                    no escuro,

como pedides o meu canto

se o sol resseca os ossos

dos meus mortos

e... o silêncio dos pássaros

implosiona

nos buracos da antimatéria

No abissal enigma dos universos

na opacidade dos segredos

esvai-se a luz

e... a loucura engatilha-se na minha mente.

José Alberte Corral Iglesias

CONTRAPICADO DOBRE

DIME que só tu habitas este mundo
e que nunca ninguén me matou repetidas veces

eu crereite pechando os ollos

ou que cando me beixas se concentra o movemento
todo
na amálgama de saliva e carne quente que nos forma

e eu comezareite a bicar para sempre

dime tamén, se fas favor,
que o teu peito espido non agocha a porta das distancias
que nos percorren o alento de boca a boca

dime que a dirección do ondear dos teus cabelos
dime que o tempo na estación de tren en que te agardo

dime que a liña que trazan os teus pés no chan 

[ lambendo lousas

dime como, se fas favor,

e dime e para que te escoito 

Xabier Xil Xardón  (Premio de Poesía)